فلوسى مش جايبة شقة فى المكان اللى انا عاوزة اعمل ايه ؟ 
مشكلة عويصة و كبيرة وواقع فيها ناس كتير جدا ً ... وقصاد حلها ممكن تعدى سنين و سنين و الخسارة للأسف بتكبر مش بتصغر ! 
لو فلوسك مش جايبة شقة فى المكان اللى بتحلم تسكن فيه ، فأكبر غلط هو انك تستنى تحوش عليهم ومتخيل ان الشقة هتستناك .. صدقنى القطر هيفوتك ! 
لان الفجوة اللى ما بين قيمة الجنية و سعر العقارات عامة و سعر الشقة اللى بتحلم بيها خاصة بتزيد كل يوم ، 

ولو تقدر تشترى الشقة دى انهرده ب 100 ألف جنية مثلا ، فبكرة مش هتعرف تشتريها ب 120 ألف .. وهكذا

طيب نعمل ايه ؟ 
شوف فلوسك تجيب اى عقار و فين 
اولا :- العقار هنا مش المقصود بيه الشقة ... 

لا ممكن يكون أرض وممكن يكون محل تجاري وممكن شقة .. 

ونحاول نختار العقار ده عن طريق متخصص فى المجال علشان نتلافى أى عيوب فيه لأنك هتتعب جدا وقت إعادة طرحة للبيع قدام . 
ثانيا ً :- فين ... 

برده هنا مش لازم يكون جنبك مباشرة ممكن فى نفس المدينة و فى مكان عمرك أنت ما تفكر تسكن فيه 

و لكن غيرك امكانياته تسحمله او هو نفسه عاوز يسكن فيه .. الفكرة إنك وقت ما تقول يا بيع تلاقى 100 شارى ! 
فى اللحظة اللى اشتريت فيها عقار مميز على قد فلوسك مهما كان حجمه .. فى اللحظة دى بس انت بدأت تحوش وتحافظ على الفجوة ما بينك وما بين سعر العقارات ... 

ولما توصل لمرحلة إن سعر عقارك اللى اشتريته بالاضافة للى حوشته بقوا قد تمن الشقة اللى كان نفسك فيها ... 

توكل على الله وبيع و ان شاء الله تكون الشقة اللى عملت ده علشان فتحه خير عليك و على بيتك 
وصدقنى ده أقصر و أأمن طريق 
دمتم بخير 
‫#‏محمود_عبدالشافى‬