• محمود عبد الشافى
  • 2016-09-09
صاحب الشقة : ايه رأيك فى الشقة وتجيب كام ؟ السمسار :- الشقة مش للدرجة يعنى عموما ً هى تجيب 150 الف صاحب الشقة :- ازاى دى الشقة الى جنبنا اتباعت بـ 220 ألف .. بس انا ممكن اتنازل علشان مزنوق ومحتاج فلوس واخلص بـ 180 الف -------- المشترى : اخرها كام الشقة دى ؟ السمسار :- صاحبها تحت ال 250 ألف بقرش مش هيرضى و علشان الحق هى تجيب 270 بس هو مزنوق فى فلوس . المشترى : شد حيلك معايا وخلصهالى بـ 230 الف السمسار : هاخد 10 الاف جنية المشترى : اتفقنا -------- السمسار :- شوف يا بيه انا جبتلك تمن متحلمش بيه .. هتمضى بـ 230 و هاخد انا 30 وانت حلال عليك الـ 200 الف ومن غير عمولة #‏امضى ، #‏قبض ، #‏اجرى الحالة دى بتتكرر كتير ومحدش بيعرف انها بتحصل لا المالك و لا المشترى وعلشان احنا فى السوق فنبهكم ليها #‏فرق_السعر - فرق السعر :- ده الـ 40 الف الى اخدها السمسار - هوا غلط ولا صح :- غلط و سألت فيه حرام شرعاً لان فيه غبن للطرفين حتى لو الاتنين راضيين لا ده عارف انه واخد 10 من التانى و لا التانى عارف انه واخد 30 من الاول #‏العلاج متشتريش اى شقة الا بالتفاوض مع المالك مباااااشرة ولو عن طريق وسيط عادى ... ولو الوسيط رفض تعرف ان فيها فرق سعر عمولة الوسيط : حق الوسيط 2.5 % قانونا ً ولكن طبعا ده مش بيطبق لكن المطبق فى الغالب والعرف 2% من كل طرف على حدة بغض النظر عن عدد الوسطاء الى فى المعاملة ان شاء الله حتى 10 وسطاء ... وفى وسطاء واللى بيطلق عليهم السماسرة ممكن يرضوا بـ 1 % من كل طرف وممكن أقل لو بواب مثلا ً ... عموماً دى حاجه اتفاقية يفضل لكل الاطراف يتم الاتفاق عليها قبل اتمام المعاملة مش بعد علشان متحصلش مشاكل ملحوظة هامة جدا ً :- مش كل السماسرة ولا الوسطاء كده فى كل طائفة فى الكويس والوحش :) لو عايز تفهم أكثر ممكن تشوف الحلقة الخامسة من برنامج بيتك بأيدك
#‏محمود_عبدالشافى