أنا بدور علي ارض بهدف الاستثمار ... اختار ازاي ؟     🙄

نصيحة شخصية طالما العقار بهدف الاستثمار يبقي مش هيفرق معاك كونه ارض من شقه لمحل تجاري ... ولكن بشكل مخصص انهردة كل كلامنا عن الارض

- لازم نتفادي باي شكل عيوب المساحة ، ودي حلها بأننا نشتري المساحات المميزه ... لا ياراجل وانا فهمت منك كده ايه ؟ 🤔
أفضل مساحة مرغوبة في مساحات الأراضي هي ١٢٠ متر ومضاعفتها ( ٢٤٠ ، ٣٦٠ متر... ) لأنها هتدي فوق شقة محترمه ١٢٠ متر صافي وهتتناسب في نفس الوقت مع الارتفاعات لو علي شارع كبير، ( لأنها لو ٨٠ متر زي الشقة فوق هتقيدك في الارتفاع و تعملك مشاكل ) غير أن في جزء بيطلع من الأرض للمنافع والمداخل وخلافه ، فهتبقي المساحة المتبقيه اكتر مساحة مطلوبه في السوق
وبشكل عام تختار مساحة صغيرة حتي لو كان عندك امكانيات تشتري مساحة اكبر فقطعها او اشتري قطعتين تلاته ، وده لأنك كل ما قللت مساحة الارض كل ما زودت فرصة سرعه البيع لأنك هتستهدف عملاء اكتر 
يعني لو عندك ١٠٠ عميل فهتلاقي ٧٠ منهم امكانياتهم يشتروا المساحة الصغيرة و ٣٠ بس هم اللي عندهم امكانيات يشتروا حاجات أكبر و بالتالي اغلي

- بعدين لازم نشوف أماكن عمرانية جديدة مٌرخصة ناقصة الخدمات الاساسية وفِي نفس الوقت يكون معروف قرب ميعاد دخولها ، زي رصف الطرق ، الكهرباء ، المياة ، الغاز الطبيعي 
كل خدمة هتدخل من دول هترفعلك تمن الارض حد ادني ١٠٪‏

- وكنا اتكلمنا عن عيوب التصميم اللي لازم لازم نتفاداها ، ودي هتلاقوها في الرابط اللي التعليقات

وعلشان الموضوع ميرخمش و كلامه يكتر ... فهيٌتبع في المقال الجاي 😉
فَلَو مهتم .. شارك بتعليق علشان يظهرلك الجاي ، وزي ما انا مش بكسل اكتب .. انت متكسلش تعمل شير 🤗
#عيوب_العقارات
#بيتك_بايدك
#محمود_عبدالشافي