هل كفايه أني عرفت اختار ارض مساحتها وموقعها مناسبين زي ما قلنا البوست اللي فات ؟ 🙄

في حاجة مهمه جدا لازم تحطها حلقة في ودانك سواء كنت هتشتري بهدف السكن او الاستثمار ( اخر البوست 🙃)

من اهم المعايير اللي بتتقيم بيها الاراضي بشكل عام هي .. " عرض الشارع "

يعني ايه عرض الشارع وايه دخله بالموضوع ؟ 
عرض الشارع هو طوله ( عمقه ) قدام الارض قد ايه .. لان بناء علي عرض الشارع بيتحدد عدد الأدوار المسموح ببنائها علي الارض دي ، و ده بالنسبة للأراضي داخل المدن 
( كنّا اتكلمنا عن عرض الشارع قبل كدة وعن قانون البناء الموحد رقم ١١٩ هتلاقوه في التعليقات )

ومتنساش تحط حاجة مهمه في ودانك ( اخر البوست 🙃)

طيب ولو الاراضي داخل المدن الجديدة ؟ 
لازم بردة اعرف رخصتها كام دور .. مش بس كدة .. لازم اعرف المسموح بعدد الشق في الدور الواحد كام شقه ... الموضوع ده بس فيه زيادة او نقص ١٠٪‏ من ثمن الارض !

الارض اللي واجهتها كبيرة افضل من اختها اللي واجهتها صغيرة 
والأرض الناصية افضل من الواجهه 
والأرض الناصيتين افضل من الاتنين !

نيجي بقي للحاجة المهمه اللي لازم تحطها حلقة في ودانك😈
مهما كان سبب شرائك .. سكن او استثمار .. لازم تشتري ليك وللسوق 
مفيش حاجة مهما كنت مقتنع بيها مش هيجي يوم وتبيعها ... مش لازم علشان هي وحشة ، ممكن علشان ظهرتلك فرصه افضل وأحسن ، وفِي ناس كتير بتقع في الغلطة دي ، بعد ما تعجب بالعقار بتتخيل ان عمرها ما هتبيع لمجرد اقتناعها الشخصي واللي بالمناسبة ممكن يكون صح .. لكن محدش ضامن بكرة في ايه ... سواء ظروف خليتنا نبيع .. او فرص افضل عاوزينها... انا يهمني أوصلك في كل الحالات انك مش بس متخسرش ، لا تكسب ☺️

هنتكلم عن الشقق و المحلات التجارية وحتي الاراضي الزراعية

يٌتبع..

اي سؤال في التعليقات بيقرأ بعناية و بيتجاوب عليه في بوستات عامه .. فخليك متفاعل علشان متفوتكش إجابته 😊

" زكاة العلم نشره "

" الكلمة الطيبة تساوي الكثير علي الرغم من انها لا تكلف الا القليل " 
لو مهتم شارك بتعليق واعمل شير وكده ... بس دعواتكم بس مش اكتر .. انتوا و ذوقكم 🤗
#عيوب_العقارات
#بيتك_بايدك
#محمود_عبدالشافي