كل اللى عاوز تعرفه عن #اراضي_الاسكان_الاجتماعى فى القرعة الاخيرة المطروحة حالياً

اولا : هم عبارة عن ٣ أنواع اراضى 
- الاسكان الاجتماعى 
- الاسكان المتميز 
- الاسكان الاكثر تميزاً

ثانيا : المدن اللى نازل فيها القرعة على حسب نوع الارض لان مش كل الانواع فى كل المدن 
- الاسكان الاجتماعى :- نازل فيه 12721 قطعة أرض بنظام القرعة العلنية، موزعة كالتالي: 415 قطعة أرض بمدينة العبور، و1177 قطعة أرض بمدينة العاشر من رمضان، و1172 قطعة أرض بمدينة برج العرب الجديدة، و401 قطعة أرض بمدينة بدر، و181 قطعة أرض بمدينة طيبة الجديدة، و1311 قطعة أرض بمدينة أسيوط الجديدة، و2279 قطعة أرض بمدينة السادات، و227 قطعة أرض بمدينة الفيوم الجديدة، و880 قطعة أرض بمدينة قنا الجديدة، و3620 قطعة أرض بمدينة سوهاج الجديدة، و1058 قطعة أرض بمدينة بني سويف الجديدة.
- الاسكان المتميز :- نازل فى 7373 قطعة أرض بنظام القرعة العلنية، موزعة على المدن التالية: 706 قطع أراض بمدينة 6 أكتوبر، و83 قطعة أرض بمدينة بدر، و732 قطعة أرض بمدينة العاشر من رمضان، و981 قطعة أرض بمدينة السادات، و912 قطعة أرض بمدينة برج العرب الجديدة، و177 قطعة أرض بمدينة بني سويف الجديدة، و698 قطعة أرض بمدينة سوهاج الجديدة، و497 قطعة أرض بمدينة أخميم الجديدة، و647 قطعة أرض بمدينة المنيا الجديدة، و625 قطعة أرض بمدينة قنا الجديدة، و521 قطعة أرض بمدينة أسيوط الجديدة، و520 قطعة أرض بمدينة طيبة الجديدة، و274 قطعة أرض بمدينة الفيوم الجديدة.
- الاسكان الاكثر تميزاً :- نازل فيه 3930 قطعة أرض، يتم تخصيصها لأعلى نسبة مقدم، فى المدن التالية: 649 قطعة أرض بمدينة ٦ أكتوبر، و41 قطعة أرض بمدينة الشيخ زايد، و16 قطعة أرض بمدينة الشروق، و5 قطع أراض بمدينة دمياط الجديدة، و657 قطعة أرض بمدينة السادات، و45 قطعة أرض بمدينة 15 مايو، و6 قطع أراضي بمدينة بني سويف الجديدة، و80 قطعة أرض بمدينة سوهاج الجديدة، و380 قطعة أرض بمدينة العبور، و2051 قطعة أرض بمدينة القاهرة الجديدة.

ثالثا : طريقة الحجز :- 
طبعاً بعد ما تشترى كراسة الشروط اللى موجودة حاليا فى كل فروع بنك التعمير والاسكان هتحدد انت عاوز تقدم على ايه و بناءاً عليه هتعرف المطلوب منك 
١- لو هتقدم على اراضى اسكان اجتماعى 
هتروح تدفع مقدم الحجز 25 ألف جنيه، نقدي أو بشيك مقبول الدفع أو مصرفي، وتكمل الدفعة المقدمة (25%) + 1% مصاريف إدارية + 0,5% مجلس أمناء، من إجمالي ثمن الأرض خلال فترة متزيدش عن شهرين من تاريخ إجراء القرعة العلنية، و باقي ثمن الأرض وقدره 75% من إجمالي الثمن بدون فوائد على ثلاثة أقساط سنوية متساوية، بحيث هيستحق سداد القسط الأول منها بعد سنة من تاريخ إجراء القرعة العلنية، و بتحرر شيكات بنكية بقيمة الأقساط باسم جهاز المدينة فى التوقيتات المحددة.
٢- لو هتقدم على اراضى اسكان متميز 
هتروح تدفع مقدم الحجز 50 ألف جنيه لقطعة الأرض بمدينة أخميم وأسيوط الجديدة ، و100 ألف جنيه لباقي المدن طبقاً لكراسة شروط الطرح، ويتم السداد بشيك معتمد (مقبول الدفع أو مصرفي) أو نقداً، ولو رسيت عليك قطعة أرض بالقرعة، هتكمل سداد نسبة 25% من إجمالي قيمة الأرض خلال فترة متزيدش عن شهرين من تاريخ إجراء القرعة العلنية، بالإضافة إلى (1% مصاريف إدارية + 0.5% مجلس أمناء)، و سداد باقي ثمن الأرض 75% من إجمالي الثمن على 3 أقساط سنوية متساوية، بحيث يستحق القسط الأول بعد سنة من تاريخ إجراء القرعة العلنية، على أن يتم تحرير شيكات بنكية بقيمة الأقساط باسم جهاز المدينة.
٣- لو هتقدم على اراضى اسكان اكثر تميزاً 
ودي بقي بتاعة عليه القوم  التخصيص بنظام القرعة العلنية بين المتقدمين بالي يسدد أعلى مقدم (بشرط ميقلش عن 50% من القيمة الإجمالية )وهيستبعد طبعا اللى دافعين اقل 

فى كل الاحوال مدة الانشاءات ٣ سنوات من تاريخ استلام الارض والا هتطبق غرامات تصل للسحب ... وعلشان تخرج برة اشتراطات الجهاز و تسلمه محتاج تشطب وحدة سكنية و احدة قابلة للسكنة ... و الجهاز بيقدم نماذج تصميمات جاهزة لو اخترت واحدة منهم بتطلعلك الرخصة علطول  
والرخصة بدروم و أرضي و ثلاثة علوى 
وفى تحت رابط لموقع الهيئة تقدر تشوف كل التفاصيل دى علشان تتأكد ^ـ^ 
بالتوفيق للمتقدمين ... و ربنا يوسع على المنتظرين 🙂
شير يمكن صاحبك بيسأل الاسئلة دى فى دماغه دلوقت 🤗
#بيتك_بايدك
#محمود_عبدالشافي