ممكن تدفع مقدم شقة و تدفع فى أقساطها وبعدين تكتشف إنها مش الشقة المناسبة ليك . . . عشان فى البداية الاختيار كان عشوائي أسعار الشقق دايما فى زيادة و عشان تلحق نفسك لازم تركب فى قطر العقارات لو امكانياتك مش مساعداك تجيب الشقة الى بتحلم بيها ، اشتري شقة صغيرة أو محل تجاري أو عقاري تستثمر فيه فلوسك وبعدين لما الظروف تتحسن بيعه بمكسب معقول وزود عليه واشتري الشقة الى بتحلم بيها لو عندك امكانياتك تشتري الشقة الى بتحلم بيها اشتري ، و لو ماعندكش اشتري أي عقار سواء شقة محل أو أرض زراعية تستثمر فيهم فلوسك المهم يكون العقار سليم ومأمن نفسك لو ساكن فى شقة مش مكفية رغباتك ممكن تأجر فى مكان يريحك وتبيعها وتثتثمر فلوسها فى مجال العقارات وتكسب المعقول وبطريقة شرعية مش لازم تسكن فى تمليك . . . المهم يكون معاك تمليك لما تيجي تحدد امكانياتك لازم تحددها على المدي البعيد مش الوضع الحالي وعليه تقدر تحدد الشقة المناسبة الى تقدر تجيبها الشقة المثالية مش بتعتمد على المساحة ولا التشطيب لأن الاثنين بيتعوضوا وكل واحد احتياجاته بتختلف عن الآخر 5 خطوات لازم تعملهم قبل لما تيجي تشتري شقة : ١. اسقط أي سعر سمعته قبل كده ٢. جمع أسرتك أو عيلتك وحدد احتيجاتك من حيث الغرف أو ارتفاع الطابق أو عدد الحمامات ألخ . . . ألخ وحدد مساحة الشقة الى انت محتاجها و ضيف عليهم ٢٠٪ للمنافع ٣. أنت أكثر واحد عارف امكانياتك واقسمهم على عدد أمتار الشقة وحدد سعر المتر كويس ، و الامكانيات مش لازم حاضرة حاليا ولكن متوقع تواجدها ٤. ماتنساش تكلفة تشطيب الشقة بمتوسط ٦٠٠ - ٧٠٠ جنيه للمتر ٥. ابدأ دور عن شقة بالمساحة الى حدتتها وسعر المتر الى اخترته الجانب القانوني بيثل ٧٠٪ من العملية فلازم محامي يتابع العملية كلها ولو عايز تشوف الحلقة كاملة تقدر تشوفها من الرابط https://www.youtube.com/watch?v=S32qtWgykV0&feature=youtu.be